യൂട്ടിക്കുലേറിയ (Utricularia) എന്ന ശാസ്ത്രീയ നാമത്തിൽ അറിയപ്പെടുന്ന കാക്കപ്പൂക്കളാണ് മാടായിപ്പാറയെ ഇപ്പോൾ നീല നിറത്തിൽ ആറാടിച്ചിരിക്കുന്നത്. കാക്കപ്പൂക്കൾക്ക് പുറമെ കൃഷ്ണ പൂവ്, തുമ്പ പൂവ്, എള്ളിൻ പൂവ്, പാറനീലി തുടങ്ങിയ അപൂർവ ഇനം പൂക്കളും ഇവിടെ കാണാം. ഈ പൂക്കൾ വിരിയുന്നതോടെ അപൂർവയിനം ചിത്രശലഭങ്ങളും ദേശാടനപ്പക്ഷികളും മാടായിപ്പാറയിലേക്ക് കൂട്ടമായെത്തുന്നുണ്ട്. വിദേശരാജ്യങ്ങളിൽ നിന്നുള്ള ദേശാടനപ്പക്ഷികളും ഇക്കൂട്ടത്തിലുണ്ട്.
എന്നാൽ, സമീപകാലത്ത് സഞ്ചാരികളുടെ എണ്ണത്തിലുണ്ടായ വർദ്ധനവും മാലിന്യങ്ങൾ വലിച്ചെറിയുന്നതും മാടായിപ്പാറയിലെ ജൈവവൈവിധ്യത്തിന് ഭീഷണിയാകുന്നുണ്ട്. ഋതുഭേദങ്ങൾക്കനുസരിച്ച് നാല് നിറങ്ങളിൽ മാടായിപ്പാറയെ കാണാനാകും. ഇതിൽ മഴക്കാലമാണ് ഏറ്റവും മനോഹരം.
For more details: Navamalayalam.com
